Plantun de Prouvènço

Pèr coumpara dos planto d'encò nostre

Myosotis congesta & Teesdalia coronopifolia

Te-vese-e-t'ame(-di-flour-sarrado)

Myosotis congesta

Boraginaceae

Àutri noum : Ti-viéu-e-t'aìmi, Uei-de-l'enfant-Jèsu.

Nom en français : Myosotis à fleurs serrées.

Descripcioun :
Aquéu te-vese-e-t'ame trachis dins li tepiero sablouso, séusouso e umido. Au nostre se vèi soulamen en Prouvènço séusouso. Douno d'èr à Myosotis ramosissima, mai li flour soun mai sarrado, emé de pecou courtet e mens clina. La baso di petalo èi roujo e souvènt gounflo. Pensa de coumpara emé lis autri te-vese-e-t'ame en quichan sus la flècho verdo çai-souto.

Usanço :
Li flour podon se bouta dins lou mesclun. Se dis que li te-vese-e-t'ame soun vertuous contro l'enflamacioun, majamen pèr lis iue ("principe di signaturo").

Port : Erbo
Taio : 3 à 15 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Myosotis
Famiho : Boraginaceae

Coulour de la flour : Bluio
Petalo : 5
Ø (o loungour) flour : 2 à 3 mm
Flourido : Printems

Sòu : Si
Autour basso e auto : 0 à 600 m
Aparado : Noun
Mars à mai

Liò : Tepiero sablouso umido - Ermas
Estànci : Termoumediterran à Mesoumediterran
Couroulougi : Estenoumediterrano-Nord
Ref. sc. : Myosotis congesta Shuttlew. ex A.Albert & Reyn., 1891

Teesdalìo

Teesdalia coronopifolia

Brassicaceae Cruciferae

Noms en français : Téesdalie corne-de-cerf, Téesdalie à feuilles en corne de cerf.

Descripcioun :
Se fau bèn clina pèr vèire aquesto pichoto planto que trachis dins li sablo séusous. Se recounèis majamen à si fueio basalo en bano de cèrvi. I'a souvènti-fes 4 estamino (6 nourmalamen dins la famiho). Li boudousqueto fan mai de 3 mm.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 3 à 15 cm
Fueio : Basalo
Tipe bioulougico : Teroufite
Cicle bioulougico : Planto de l'an

Gènre : Teesdalia
Famiho : Brassicaceae
Famiho classico : Cruciferae

Coulour de la flour : Blanco
Petalo : 4
Ø (o loungour) flour : 0,6 à 2 mm
Flourido : Printèms

Sòu : Si
Autour basso e auto : Pancaro entresigna
Aparado : Noun
Mars à mai

Liò : Sablo - Tepiero seco - Paret - Terraire safrous
Estànci : Termoumediterran à Mesoumediterran
Couroulougi : Eurimediterranenco
Ref. sc. : Teesdalia coronopifolia (J.P.Bergeret) Thell., 1912

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Myosotis congesta & Teesdalia coronopifolia

ges

Coumpara Te-vese-e-t'ame(-di-flour-sarrado) emé uno autro planto

Coumpara Teesdalìo emé uno autro planto